ច្បាប់រដ្ឋសព្វថ្ងៃកំពុងគៀបប្រជាជនយកលុយតាមរយៈការផាកពិន័យយកលុយនៅក្នុងកំឡុងពេលប្រជាជនធ្លាក់ចុះខាងសេដ្ឋកិច្ច ។ ប្រជាជនខ្មែរដែលជិះម៉ូតូ ត្រូវធ្វើអាជ្ញាប័ណ្ណ (ព័រមី) សម្រាប់ម៉ូតូ ។ តើត្រូវចំណាយអស់ប៉ុន្មាន ? បើនិយាយលើតម្លៃមិនមានចំនួនកំណត់ទេ កាលពីមុន $៥ បន្ទាប់ $១០ បន្ទាប់ $២០ ឥឡូវ ពី ២៥ ទៅ $៣០ ។
បើនិយាយរឿងផាកពិន័យវិញប៉ូលីសមិនចេញប័ណ្ណផាកពិន័យឲ្យទេ បើគ្មានកាតគ្រី ។ តែទៅលេងខេត្តតាកែវមានប៉ូលីសមួយក្រុមត្រួតពិនិត្យកាតគ្រីម៉ូតូតែបើគ្មានផាក ៥ ពាន់រៀល ឬ ៦ ពាន់រៀល ហើយគ្មានចេញប័ណ្ណផាកពិន័យឲ្យទៀត ។ ពេលផាកពិន័យជឹះខុសច្បាប់ ថាមានកាតគ្រីបានចេញប័ណ្ណផាកពិន័យឲ្យ ចុះដល់ផាកពិន័យអ្នកគ្មានកាតគ្រីក៏មិនចេញប័ណ្ណផាកពិន័យឲ្យដែរ ។ គិតយូរៗទៅក្រុមបងៗប៉ូលីសរកកិច្ចកលធ្វើយ៉ាងណាបានលុយដាក់ហោប៉ៅផ្ទាល់ខ្លួនតែប៉ុណ្ណោះ ។ ហើយបន្តិចទៀតគេចេញផាកអាជ្ញាប័ណ្ណម៉ូតូទៀត អូបងប៉ូលីសគាត់មានខ្លាញ់ម៉ាត់ទៀតហើយ ។
Filed under: Uncategorized |
វិបត្តិសេដ្ឋកិច្ចអញ្ចឹងហើយ 😀
ហើយមកពីប្រាក់ខែគ្នាវាតិច
ហើយមកពីប្រទេសទើបពីសង្គ្រាម បានតែ៣០ឆ្នាំប៉ុណ្ណោះ
😀
ហាសហា មិនឈប់ត្រឹមប៉ុណ្ណឹងទេ ច្បាស់ជាមានវិធីច្រើនទៀតសម្រាប់ទាញយកលុយពីប្រជាជន … ចុះងើបពីសង្គ្រាមមានតែបាតដៃទទេទៀតនោះមិននិយាយផង ហាសហា…
ត្រូវហើយដប់ឆ្នាំថាទើបចេញពីសង្រ្គាម ដល់២០ឆ្នាំ នឹងតែថាច្បាប់ស្រុកយើង នៅមានកំរិត ដល់ ៣០ឆ្នាំ ជាអាយុខ្ញុំផ្ទាល់ សួរគាត់ គឺអាដែល តែលើកនេះខ្ញុំមិនចាំគាត់ឆ្លើយមុនទេ ខ្ញុំនិយាយមុនតែម្តង គឺស្រុកយើងទើបចេញពីសង្រ្គាម ទើប៣០ឆ្នាំនឹងឯង អ៊ំអើយ។ សំដីនេះធ្វើអោយខ្ញុំនឹង អភិបាលរងខេត្ត ម្នាក់មើលមុខគ្នាមិនត្រូវ គាត់ស្តីអោយខ្ញុំថានៅក្មេង កុំចេះអាងនៅស្រុកគេ គ្មាននណារគេចាប់ ។ ហើយចុះកាលណាបានខ្ញុំ ឈប់ក្មេងទៅ៣០ឆ្នាំទៅហើយ? 😀 ហើយចុះបើខ្ញុំម៉ោស្រុកខ្មែរនឹង គេចាប់រឺ? បើគ្រាន់តែនិយាយតាមចាស់ ។
hehehe..! funny
ច្បាប់និយាយតែរឿងផាកពិន័យមិនបានតម្រូវឲ្យដកហូតសម្ភារៈទេ។តែអនុសាសន៍បានតម្រូវឲ្យដកហូតយានយន្តទៅរក្សាទុកនៅស្នងការប៉ូលីស ។តើអនុសាសន៍ និងច្បាប់មួយណាមានឥទ្ធិពលជាង ? នៅពេលដែលប៉ូលីសចាប់យានយន្ត ប៉ូលីសនិយាយតែអំពីការដកហូតរក្សាទុកនៅស្នងការជាបណ្តោះអាសន្ន តើអក្នណាចង់ឲ្យមានរឿងវែងឆ្ងាយ ?
ហ៊ើយ សព្វថ្ងៃជិះម៉ូតូតាមផ្លូវឈើញប៉ូលីសដូចមានអារម្មណ៍ថាអស់លុយទៀតហើយ ។ ព្រោះឥឡូវមិនដឹងអស់ថាគាត់ផាករឿងស្អីខ្លះ នោះទេ ។ សូមកុំភ្លេចដី ផ្ទះ ក៏យកពន្ធដែរ … និយាយមិនអស់ទេ!!
ថ្ងៃជ័យជំនះដូចជា ៣០ឆ្នាំជាងហើយយកមកធ្វើនយោបាយទៀត ដូចមានឡេសតែប៉ុន្នឹង
ខ្ញុំសូមមានយោបលថា សព្វថ្ងៃ ប៉ូលីសចរាចរណ័ មាន ពីរប្រភេទ ប្រភេទទី១ គឺ គាត់ខិតខំសំរួលចរាចរណ៍ ជាទីបំផុត រូបខ្ញុំអាណិតស្រលាញ់ជាទីបំផុត និងគាំទ្រ។ ចំណែកប្រភេទទី២ គឺ អ្នកដើរផាក ទោះបីចរាចរណ៍ស្ទះម្តេចក្តីពេលខ្លះធ្វើដូចគ្មានអ្វីកើតឡើង។ជាមួយគ្នានោះដែរគឺ អាឡានស្ទូចពណ៌ក្រហមមួយចំនួន វាដើរអូសគេមិនយោគយល់ទេ បើគ្មានយ៉ាងតិច ២០ដុល្លា វាមិនអោយទៅទេ កាន់អាយកូមមួយ រួចហៅម្ចាស់ឡានចូល ក្នុងឡានវា ចរចារតំលៃ។ មិនដឹងថាច្បាប់ចតឡាន ខុសតំរូវអោយយកដល់ម្លឹង។
បើវាអូសទៅស្នងការវាគិតថ្លៃសាំង និង ផាក មិនដឹងប៉ុន្មានទេ មិនតិចឡើយ ។ ខ្ញុំគិតថា ពួកគាត់ច្បាស់ជាប្រកែក កាលណាខ្ញុំនិយាយបែបនេះ ដូចនេះសំណូមពរអោយ បងប្អូនទាំងអស់ កាលណាពួកគាត់(ប៉ូលីស)ប្រព្រឹត្តខុស សូមថតសំលេងទុក កត់លេខឡាន ឈ្មោះនិង ថតរូបបើអាចរួចផ្សាយ តាម Web blog ។ ធ្វើដូចនេះអោយកែខ្លួនកុំអោយស្អុយប៉ូលីសចរាចរណ៍ច្រើនជំនាន់ពេក។ ម៉្យាងទៀត ប្រជាជនគួរមានសៀវភៅ ច្បាប់ចរាចរណ៍ ម្នាក់មួយក្បាលដាក់តាមខ្លួន ទុកផ្ទៀង ។
ខ្ញុំធ្លាប់បានប៉ូលីសផាកម្តងដែរ ពេលនោះខ្ញុំជិះម៉ូតូតាមផ្លូវមុន្នីវង្សពីផ្សារថ្មីឆ្ពោះទៅមន្ទីរពេទ្យកាល់ម៉ែត្រ ។ ពេលមកដល់ភ្លើងស្តុបត្រង់ផ្សារBS ភ្លើងក្រហមមិនទាន់លោតទេ ព្រោះវានៅសល់ ២០ ទៀត ខ្ញុំក៏ជិះបន្តគិតថាឆ្លងផុត ដឹងអីមានបងម៉ូតូមួយគាត់ជិះបត់វ៉េវមុខខ្ញុំ(មិនទាន់ដល់ភ្លើងឲ្យបត់ទេ) ទើបបណ្តាលឲ្យខ្ញុំបន្ថយល្បឿន ហើយទម្រាំតែឆ្លងផុតភ្លើងខៀវក៏លោតមុនបាត់ទៅហើយ ។ បងប៉ូលីសក៏ហៅខ្ញុំផាកពិន័យ ដោយមិនស្តាប់ហេតុផលអ្វីទាំងអស់ ។ ដោយប្រកែកមិនឈ្នះគាត់ខ្ញុំក៏ព្រមបង់លុយ តែពេលនោះខ្ញុំទារវិក្ក័យប័ត្រពីគាត់ តែគាត់មិនព្រមឲ្យហើយថែមទាំងទារអត្តសញ្ញាណប័ណ្ណរបស់ខ្ញុំទៀតផង គាត់ប្រាប់ថាបើចង់បានវិក្ក័យប័ត្រទាល់តែមានអត្តសញ្ញាណប័ណ្ណ ហើយថែមទាំងបញ្ជាក់ទៀតថា មិនទាន់រករឿងផងព្រោះកាតគ្រីម៉ូតូនឹងមិនមែនជារបស់ខ្ញុំ ខ្ញុំក៏ប្រាប់ថានោះជារបស់ប្តីខ្ញុំ ។ ដោយមិនចង់ឲ្យមានរឿងវែងឆ្ងាយព្រោះប្រញាប់ផង ខ្ញុំក៏ព្រមបង់លុយឲ្យទៅគាត់ តែពេលនោះខ្ញុំនិយាយថា “អរគុណ” ស្រាប់តែបងប៉ូលីសហ្នឹងគាត់ខឹងខ្ញុំរឹតតែខ្លាំង ហើយគាត់ថាខ្ញុំនិយាយមើលងាយគាត់ ។ អូ! អញ្ចឹងហ្ន៎ បងប៉ូលីស យកលុយខ្ញុំហើយ ខ្ញុំអរគុណបែរជាថាខ្ញុំមើលងាយ ។ ពាក្យ “អរគុណ”នេះជាទម្លាប់សម្រាប់ខ្ញុំ ព្រោះខ្ញុំទម្លាប់និយាយបែបនេះជាមួយកូន ៗ ដើម្បីឲ្យពួកគេមានទម្លាប់ល្អ ។
វាជារឿងមួយដ៏ល្អសំរាប់ប្រជាពលរដ្ឋខ្មែរក្នុងការទទួលការអប់រំពីច្បាប់ចរាចរណ៏។ ប័ណ្ណបើកបរម៉ូតូ និងឡានវាខុសគ្នា ហើយរាល់អ្នកបើកបរត្រូវមានវាជាចាំបាច់។ ស្រុកយើងមានមនុស្សតិចណាស់ដែលចេះច្បាប់ចរាចរណ៏ជាពិសេសផ្នែកសីលធម៍ក្នុងការបើកបរ។ យើងស្តីបន្ទោសទៅលើប៉ូលីសអ្នកយកលុយហួសហេតុតែបើយើងមិនប្រព្រឹត្តខុសប៉ូលីសទាំងនោះមិនអាចយកលុយយើងបានទេ។