Posted on ខែសីហា 31, 2007 by Sambath
បណ្ដាំអក្សរខ្មែរ
ក កើតបានជាកូនខ្មែរ ខ ខំគិតកែប្រែគំនិត
គ គួរសេពគប់រកបណ្ឌិត ឃ ឃើញត្រូវពិតតាមមាគ៌ា ។
ង ងើបមើលជាតិខ្មែរមូលមីរ ច ចូលសាមគ្គីជួយរដ្ឋា
ឆ ឆោមប្រកបដោយបញ្ញា ជ ជួយស្ដីថាជួយកូនចៅ ។
ឈ ឈប់ស្ងៀមនៅមើលបណ្ដាំ ញ ញឹមចងចាំពាក្យប្រដៅ
ដ ដឹងឲ្យគ្រប់កុំល្ងង់ខ្លៅ ឋ ឋានៈជ្រៅឆ្ពោះទៅមុខ ។
ឌ ឌុកដាន់ដាល់វ៉ៃគ្នាឯង ឍ ឍាលឫកខែងចង់ស្រុក
ណ ណាអង្គុយ កុំសំកុក ត តទៅថ្ងៃមុខក្រែងអាស្រូវ ។
ថ ថាតែធ្វើ មិនព្រមលូក ទ ទាបដូចទូកឬសំពៅ
ធ ធាក់រសាត់តាមទឹកទៅ ន នៅមិននឹងមួយកន្លែង ។
ប បើបានធំគុំស្អប់តូច ផ ផាត់កាត់ខូចចេញឲ្យស្ដែង
ព ពិតជាប្រុសត្រូវប្រឹងប្រែង ភ ភ័យខ្លាចក្រែងកើតខ្ញុំគេ ។
ម មកខិតខំប្រឹងលកលៃ យ.រ យំរកល្បិចគ្នាន់គ្នេរ
ល លបមើលជាតិអស់ផងគេ វ វិលវល់វេរទៅតាមខ្យល់ ។
ស សូមកុំពឹងលើសំណាង ហ ហាមកុំអាងប្រើល្បិចកល
ឡ ឡោមវាយគេកើតរចល់ អ អស់ពិភាល់កើតជាខ្មែរ ។
Filed under: កំណាព្យ | 2 Comments »
Posted on ខែសីហា 30, 2007 by Sambath
មើលហើយហាមសើច ៖
បន្តការអាន →
Filed under: សំណើច | 5 Comments »
Posted on ខែសីហា 29, 2007 by Sambath
ខ្មែរអើយខ្មែរខ្ញុំ ខ្មែររងទុក្ខធំ ដូចភ្នំសង្កត់ ជាច្រើនខែឆ្នាំ ចូរចាំប្រវត្តិ ខ្មែរត្រូវប្រាសព្រាត់ យ៉ាងសែនទារុណ ។ បើខ្មែរបែកបាក់ ខ្មែរនឹងគ្រោះថ្នាក់ ដូចកាលពីមុន ធ្លាក់ក្នុងរណ្ដៅ ជ្រោះជ្រៅសែនធ្ងន់ រងទុក្ខផ្ទួនៗ ឥតមានពេលល្ហែ ។ ចូរខ្មែរចាំថា គ្មានបរទេសណា ពិតស្រឡាញ់ខ្មែរ ជាងខ្មែរស្រឡាញ់ ដូចគ្នាជាតិខ្មែរ បងប្អូនពុកម៉ែ មាមីងយាយតា ។ ខ្មែរអើយចងចាំ សាវតារបានផ្ដាំ ឆ្លាក់ជាប់ថ្មដា មហានគរ ខ្មែរថ្កើងយ៉ាងណា ព្រោះខ្មែរហានក្លា ខ្មែរមានសាមគ្គី ។ ខ្មែរស្រឡាញ់ខ្មែរ ខ្មែរនឹងពូកែ ផុតទុក្ខញាំញី កសាងការពារ ជាតិខ្លាំងគ្មានពីរ បរទេសមូលមីរ កោតក្រែងជាតិខ្មែរ ។ សូមខ្មែរក្រោកឡើង ប្រឹងលើកតម្កើង ពូជសាសន៍ជាតិខ្មែរ ក្នុងស្រុកក្រៅស្រុក រួមគ្នាជួយខ្មែរ កុំខ្លាំងពូកែ តែខាងសម្ដី ។ ព្រះសង្ឃគ្រហស្ថ បើដឹងខ្លួនខុស នឹងច្បាប់វិន័យ ប្រញាប់កែខ្លួន មុនពេលក្សិណក្ស័យ ក្រែងធ្លាក់អវិចី ព្រះប្រោសមិនរួច ។
Filed under: កំណាព្យ | 1 Comment »
Posted on ខែសីហា 20, 2007 by Sambath
មិត្តល្អក្រណាស់ បើជួបប្រទះ ប្រឹងប្រែងជួយគ្នា បើមិត្តមានទុក្ខ ខិតខំម្នីម្នា ប្រវេប្រវា ឱ្យរួចទុក្ខធំ។ បើមិត្តមានភ័យ គួរគិតលកលៃ ជួយដោយមនោរម្យ កុំនៅបង្អង់ ជួយដោយសុខុម ឱ្យបានចម្រុងចម្រើនតទៅ។ នេះហៅមិត្តល្អ រកបានដោយក្រ ដែលជាស្រឡៅ នាំកើតក្ដីសុខ ឥតមានហ្មងសៅ តែងចង្អុលផ្លូវ សុភមង្គល ។ ទេវតាឱ្យសុខ តរៀងទៅមុខ មិនដែលមានយល់ នៅរឿងទុក្ខភ័យ ដែលជាអកុសល នាំកើតមង្គល អស់មួយជីវិត ។ បើទៅទីណា អស់បងប្អូនណា គេចូលចិត្តពិត គេកោតសរសើរ ទាំងឆ្ងាយទាំងជិត ស្និតស្នាលស្គាល់មិត្ត ទទួលរាក់ទាក់ ៕
Filed under: កំណាព្យ | 2 Comments »
Posted on ខែសីហា 14, 2007 by Sambath
បើលោកអ្នកមានបំណងចង់ដឹងពីព័ត៌មានខ្មែរកម្ពុជាក្រោម ៖
http://khmerkrom.net/modules.php?name=Sections&op=viewarticle&artid=17
និងជួយផ្ដល់គំនិតបន្ថែមផង
Filed under: ចំណេះដឹងខ្លះៗ | 1 Comment »
Posted on ខែសីហា 14, 2007 by Sambath
បពិត្រសប្បុរសជាតិខ្មែរប្រុសស្រី ក្នុងក្រៅបុរីរួមឈាមខេមរា ពូជអ្នកអង្គរធ្លាប់ល្បីអស្ចារ្យ កសាងរដ្ឋាចម្រើនល្បាញល្បី ។
ឥឡូវធ្លាក់ខ្លួនកម្សត់អត់ឃ្លាន ខ្លះដើរសុំទានឆ្លងផុតដែនដី អ្នកផងមើលងាយដូចជាទាសី បាយ័នស្ទើរក្ស័យព្រោះអីខ្មាសគេ ។
បន្តការអាន →
Filed under: កំណាព្យ | Leave a comment »
Posted on ខែសីហា 9, 2007 by Sambath
- អាត្មាសូមចំរើនពរ កន្ទុយ ងរ ឆ្កែ ភ្នែកក្រឡែឆ្មា ក្រឡេក្រឡាពស់ ងោះៗ គូរូ មូរៗ ត្រីរ៉ស រាប់មិនចេះអស់កន្តេះឡង់ ឆ្អេះឆ្អង់កណ្ដុរប្រម៉េះ រៀនមិនចេះឆ្មាម៉េវ ។
- កុំលេងដីកើតមេរោក កុំលេងលោកបាប កុំលេងចាបបោច កុំលេងខ្មោចលង ។
បន្តការអាន →
Filed under: សំណើច | 8 Comments »
Posted on ខែសីហា 3, 2007 by Sambath
រូបភាពបញ្ជាក់អំពី សង្គ្រាមនិងសន្តិភាព
បញ្ជាក់ពីសង្គ្រាមលំបាកខ្លាំងណាស់ មានទាំងសម្លាប់មនុស្សទៀតផង ។
សន្តិភាពមានភាពរីករាយខ្លាំងណាស់ និងមានសុភមង្គល ថែមទាំងផ្ទះថ្មីៗ
Filed under: សង្គ្រាម | Leave a comment »
ខ្មែរជួយខ្មែរ 