កំណែថ្មីរបស់ប្រព័ន្ធប្រតិបត្តិការ Microsoft Windows ដែលហៅថា Windows 7 មានបញ្ហាដូចគ្នាទៅនិងបញ្ហាដែលធ្លាប់មាននៅក្នុង Vista, XP, និងកំណែមុនៗផងដែរ — វាគឺជាកម្មវិធីកម្មសិទ្ធិ ។ អ្នកប្រើមិនត្រូវបានអនុញ្ញាតឲ្យកែប្រែ ឬចែករំលែកកម្មវិធី Windows ឬពិនិត្យមើលដំណើរការរបស់វានៅខាងក្នុង ។
ការពិតដែល Windows 7 ជាកម្មវិធីកម្មសិទ្ធិ មានន័យថា Microsoft ការពារការគ្រប់គ្រងស្របច្បាប់ទៅលើអ្នកប្រើរបស់វាតាមរយៈការ បន្សំនៃ ការរក្សាសិទ្ធិ កុងត្រា និងប៉ាតង់ ។ Microsoft ប្រើអំណាចនេះដើម្បីឆបោកអ្នកប្រើប្រាស់កុំព្យូទ័រ ។ មូលនិធិកម្មវិធីសេរី Free Software Foundation សូមលើកនៅចំនុចអាក្រក់ ៧ យ៉ាងដែលក្រុមហ៊ុន Microsoft បានធ្វើ ។
១. បំពុលការអប់រំ ៖ សព្វថ្ងៃនេះ ក្មេងដែលមានការអប់រំទាក់ទងជាមួយកុំព្យូទ័រត្រូវបានបង្រៀនឲ្យ ប្រើផលិតផលពីក្រុមហ៊ុនតែមួយ ៖ គឺរបស់ក្រុមហ៊ុន Microsoft ។ Microsoft ចំណាយប្រាក់ជាច្រើនដើម្បីបញ្ចុះបញ្ចូល និងលួងលោមនាយកដ្ឋានអប់រំដែលពុករលួយ ។ ការអប់រំដោយប្រើប្រាស់កុំព្យូទ័រ គួរតែជាផ្លូវទៅកាន់សេរីភាព និងការពង្រឹងអំណាច មិនមែនជាផ្លូវសម្រាប់ក្រុមហ៊ុនមួយដើម្បីឈានទៅរកភាពផ្ដាច់មុខនោះ ទេ ។
២. ឈ្លានពានភាពឯកជន ៖ Microsoft ប្រើកម្មវិធីខាងក្រោយដែលមានឈ្មោះថា Windows Genuine Advantage ដើម្បីពិនិត្យមើលថាសរឹងទិន្នន័យរបស់អ្នកប្រើ ។ កិច្ចព្រមព្រៀងអាជ្ញាប័ណ្ណអ្នកប្រើត្រូវបានបង្ខំឲ្យយល់ព្រម មុនពេលប្រើ Windows បានព្រមានថា Microsoft មានសិទ្ធិធ្វើដូចនេះដោយមិនចាំបាច់ជូនដំណឹងជាមុន ។
៣. ឥរិយាបថផ្ដាច់ការ ៖ កុំព្យូទ័រស្ទើរតែទាំងអស់ដែលបានទិញ មាន Windows ដំឡើងរួចជាស្រេច — ប៉ុន្តែមិនតាមជម្រើសនោះទេ ។ Microsoft ដាក់បញ្ជាលើតម្រូវការចំពោះក្រុមហ៊ុនលក់ hardware ដែលមិនផ្ដល់កុំព្យូទ័រដែលមិនដំឡើង Windows លើពួកវា ថ្វីបើមានមនុស្សជាច្រើនសួររកវា ។ ទោះបីជាកុំព្យូទ័រមានប្រព័ន្ធប្រតិបត្តិការផ្សេងទៀតដូចជា GNU/Linux ក៏តែងតែមាន Windows លើពួកវា ។
៤. Lock-in ៖ Microsoft តែងតែព្យាយាមបង្ខំឲ្យអ្នកប្រើធ្វើឲ្យមានភាពទានសម័យ ដោយមិនផ្ដល់ការគាំទ្រសម្រាប់កំណែចាស់ៗរបស់ Windows និង Office និងដោយបំប៉ោងតម្រូវការរបស់ hardware ។ សម្រាប់មនុស្សជាច្រើន នេះមានន័យថា ពួកគេត្រូវបោះចោលកុំព្យូទ័រដែលកំពុងដំណើរការ ដោយសារតែពួកវាមិនត្រូវទៅតាមតម្រូវការមិនចាំបាច់របស់កំណែថ្មី របស់ Windows ។
៥. បំពានលើស្តង់ដារ ៖ Microsoft បានព្យាយាមទប់ស្កាត់ស្តង់ដាររបស់ទ្រង់ទ្រាយឯកសារដែលឥតគិតថ្លៃ ពីព្រោះស្តង់ដារដូចជា OpenDocument Format អាចគំរាមកំហែងលើការការគ្រប់គ្រងដែលពួកគេមានលើអ្នកប្រើប្រាស់ តាមរយៈទ្រង់ទ្រាយកម្មវិធីកម្មសិទ្ធិ Word ។ ពួកគេបានពាក់ព័ន្ធជាមួយនិងកខ្វក់ រួមបញ្ចូលទាំងការសូកប៉ាន់មន្ត្រីដើម្បីបញ្ឈប់ការខំប្រឹងប្រែង ទាំងនោះ ។
៦. អនុវត្តិការគ្រប់គ្រងកម្រិតឌីជីថល Digital Restrictions Management (DRM) ៖ ជាមួយនិង Windows Media Player Microsoft ធ្វើការជាមួយក្រុមហ៊ុនមេឌៀធំៗមួយចំនួនដើម្បីបង្កើតការដាក់កំហិត លើការចម្លង និងចាក់មេឌៀទៅក្នុងប្រព័ន្ធប្រតិបត្តិការរបស់ពួកគេ ។ ឧទាហរណ៍ តាមសំណើររបស់ NBC, Microsoft អាចទប់ស្កាត់អ្នកប្រើប្រាស់ Windows មិនឲ្យថតចម្លងកម្មវិធីទូរទស្សន៍ ដែលពួកគេមានសិទ្ធិគ្រប់គ្រាន់ដើម្បីថត ។
៧. គម្រាមសុវត្ថិភាពអ្នកប្រើ ៖ Windows មានប្រវត្តិសាស្ត្រថោកទាបបំផុតបើនិយាយពីសុវត្ថិភាព ព្រោះវាអនុញ្ញាតឲ្យមានការរីករាលដាលនៃវីរុស និងអនុញ្ញាតឲ្យអ្នកប្រើពីចម្ងាយអាចចូលទៅប្រើប្រាស់កុំព្យូទ័រ អ្នកដ៏ទៃដោយប្រើ spam-sending botnets ។ ពីព្រោះកម្មវិធីរបស់ Windows វាសម្ងាត់ ដូច្នេះអ្នកប្រើទាំងអស់ត្រូវពឹងផ្នែកលើក្រុមហ៊ុន Microsoft ដើម្បីដោះស្រាយបញ្ហាទាំងនេះ — ប៉ុន្តែក្រុមហ៊ុន Microsoft មានសុវត្ថិភាពផ្ទាល់ខ្លួន តែមិនមានសម្រាប់អ្នកប្រើរបស់វាទេ ។
បានដកស្រង់ចេញពី
ibambo.info
Filed under: ព័ត៌មាន |
ខ្មែរជួយខ្មែរ 
សួស្តី លោកគ្រូធំ
សុខអត់ ?
អរគុណ ! បានយល់ ការសំរាយជាខ្មែរ ។