នៅម្ដុំច្រកចូលខាំកូស៊ីធី ក្នុងកំឡុងពេលបីថ្ងៃកន្លងមកនេះមានសកម្មភាពខុសប្រក្រតី
-
នៅថ្ងៃទី ២១ ខែវិច្ឆិកា ឆ្នាំ ២០០៨ មានចោរឆក់ទូរសព្ទដោយគ្មានអ្វីជិះទេ បន្ទាប់ពីឆក់ទូរសព្ទម្ចាស់ទូរសព្ទដេញតាមត្រូវចោរឆក់ដកកាំបិត វែងចេញពីចង្កេះកាប់ម្ចាស់ទូរសព្ទ រួចចោររត់គេចបាត់ទៅ។
-
នៅថ្ងៃទី ២២ ខែឆ្នាំដដែល មានសកម្មភាពជម្លោះមួយនៅកន្លែងលេងអាប៉ោងដោយម្ចាស់ផ្ទះ និងអ្នកលេង ដោយអ្នកលេងប្រើដាវវែង ឯម្ចាស់ផ្ទះប្រើដងចប។ ផ្អើលអស់មនុស្សក្នុងភូមិ ក្នុងនោះមានប៉ាក់ពួកម្នាក់មានកាំភ្លើងដាក់នៅជាប់ចង្កេះ តែមិនធ្វើសកម្មភាពទេ។
បន្ទាប់ពីជម្លោះមានការឆក់ទូរសព្ទរបស់នារីម្នាក់ តែចោរឆក់លើកនេះប្រើម៉ូតូ សង់កូរ៉េ ពណ៌ក្រហម គ្នាពីនាក់ ចោរគេចខ្លួនបាត់ដោយសុវត្ថិភាព។ -
នៅថ្ងៃទី ២៣ យប់រំលងអាធ្រាត្រមានការផឹកស៊ីមួយឡូឡាដល់ទៅសន្តិសុខខាំកូមក ឃាត់ បែជាក្រុមអ្នកផឹកស៊ី បានស្រែកជេរ ដៀល និងចោទពីបញ្ហាផ្សេងៗទៀតជាច្រើន។ បន្ទាប់មកសន្តិសុខមកឃាត់ទៀត និងមានការបាញ់បួនដប់គ្រាប់។ សកម្មភាពនេះធ្វើឲ្យផ្អើលមនុស្សម្នាក្នុងភូមិម្ដងទៀត។
អ្វីដែល ខ្ញុំចង់និយាយនោះមិនដឹងជាអ្នកគ្រប់គ្រង ឬអាជ្ញាធរនៅទីណាទេ សកម្មភាពទាំងបីថ្ងៃគ្មានឃើញមុខទាល់តែសោះ។ សូមបញ្ជាក់ថា ខាំកូស៊ីធី ស្ថិតក្នុងភូមិ ទួលគោក សង្កាត់ទួលសង្កែ ខណ្ឌ ឫស្សីកែវ ភ្នំពេញ។
អ្វីតាមខ្ញុំដឹងមិនដែលមានសកម្មភាពបែបនេះទេចំពោះប៉ូលីស ទើបតែបន្ទាប់ពីបុណ្យអុំទូកមកបាត់ពួកគាត់អស់រលីង។
Filed under: Uncategorized |
ចុម!
ប៉ូលីសអស់ហ្នឹង បើរឿងណាមានខ្លាញ់ទើបឃើញមុខពួកគាត់! កន្លែងអត់ខ្លាញ់ទាល់តែមានអ្នកស្រុកជេរខ្លាំងទើបទៅអើតបន្តិច រួចកត្រលប់មកដេកផ្ទះធ្វើមិនដឹង!
រឿងដែលអស្ចារ្យជាងនេះទៅទៀត កាលពីមុនមានពួកល្បាតយប់ចាប់បានចោរលួចសម្ភារៈអ្នកភូមិពេលយប់ ឃើញតែជំរិតយកលុយហើយលែងវិញ។ ម្យ៉ាងវិញទៀតចាប់ក្មេងជក់ម៉ា យកលុយ ទៅទិញម៉ាមកជក់ដែរ ហើយពួកនេះមានអ្នកដាច់ពេលយប់ម្ដងៗ ចាប់គេវាយធ្វើបាបយកលុយ។ មើលឃើញផ្ទាល់បែបនេះយល់ថាសង្គមឥឡូវដូចជាស្អីទេ ថាមិនត្រូវសោះ។
បច្ចុប្បន្នចោរប្លន់សាហាវៗ ណាស់! សង្ស័យមកពីជំលោះព្រំដែន និងវិបត្តសេដ្ឋកិច្ចហើយមើលទៅ។ មានករណីច្រើនដូចនៅ រតនគីរី បន្ទាយមានជ័យ និងភ្នំពេញ ដែលថ្ងៃមុន ស្ត្រីអ្នកមានម្នាក់ចុះពីលើឡាន រួចចូលទៅកន្លែងអ៊ុតសក់ត្រូវចោរមានគ្នាបួននាក់ម៉ូតូពីរ យកកាំភ្លើងភ្ជង់យកកាបូបស្រស់ៗតែម្តង!
នៅជិតអង់តែនទូរទស្សន៍ជាតិទួលគោក មានការលក់ម៉ាដូចគេធ្វើបុណ្យកឋិន។ អ្វីដែលចម្លែកនោះអ្នកលក់គេមិនចាប់ទេ តែធ្លាប់ឮ ថាមានចាប់អ្នកទិញយកទៅជក់ និងអ្នកជូនទៅបានម្ដងដែរ។ តែតាមខ្ញុំយល់ប្រហែលជាមិនងាយអស់ទេមើលទៅបើគាត់ហានចាប់តែអ្នកទិញ ឯអ្នកលក់មិនហានចាប់។ បើអ្នកមានអំណាចនៅតែប្រព្រឹត្តអំពើទុច្ចរិតបែបនេះស្រុកខ្មែរយើង នឹងធ្លាក់ក្នុងនរកអវចនីយជាក់ជាមិនខាន។
ពីព្រេះថាអ្នកលក់មានអំនាចមានឡុយច្រើននរណាចាប់គេនឹងស្លាប់អស់គ្រួសារ
អ្នកលក់មានខ្នងធំ ភាគច្រើនជាអ្នកមានអំណាច គ្មាននរណាហានប៉ះពាល់នោះទេ។