ខ្មែរជួយខ្មែរ

របៀបរកស៊ី បោកប្រាសរបស់ក្រុមហ៊ុនមួយចំនួន

Sambath — Thu, 18 Aug 2011 09:42:31 +0000

មានក្រុមហ៊ុនមួយចំនួនយកវិធីពីរាមីតមកបោកប្រាសខ្មែរស្ទើរតែគ្រប់គ្នា ។ ពួកគេប្រើទៅលើការលក់ជាបណ្ដាញ អាចក្លាយជាសមាជិកជាបណ្ដាញបានទាល់តែទិញផលិតផលរបស់គេមួយ ឬច្រើន សូមបញ្ជាក់ថាផលិតផលនោះលក់ក្នុងតម្លៃខ្ពស់ណាស់ ហើយភាគច្រើនក្រុមហ៊ុនរកផលិតផលណាដែលមិនទាន់មាននៅក្នុងស្រុកទៀត ។ ចំពោះអ្នកដែលបានទិញផលិតផលវិញតម្រូវឲ្យរកអ្នកទិញបានពីរនាក់ទៀតសម្រាប់ដាក់ក្រោមបណ្ដាញរបស់ខ្លួន ដោយដាក់ឆ្វេងមួយ និងស្ដាំមួយ ហើយអ្នកដែលបានទិញទៀតសោដក៏ត្រូវក៏ធ្វើដូចអ្នកមុនៗអញ្ចឹងដែរជារៀងរហូតទៅ ។ អ្នកដែលជាសមាជិកពេលដែលមានបណ្ដាញខាងក្រោមច្រើន និងទទួលបានកម្រៃ ទៅតាមការកំណត់របស់ក្រុមហ៊ុន ។ ត្រង់នេះជាចំណុចទាក់ទាញ មនុស្សចូលរួមជាច្រើន ។ តែអ្នកទាំងនោះមិនបានគិតទេថាជាការបោកប្រាសមួយយ៉ាងស៊ីជម្រៅ ដែលស្មានមិនដល់ ។
សួរថាបោកនៅកន្លែងណា ៖
លក់ផលិតផលក្នុងតម្លៃខ្ពស់ (ពាក្យខ្មែរថាលក់កោរ) ហេតុអីបានលក់ដូច្នេះ? ព្រោះត្រូវដកលុយនោះទុកឲ្យតម្លៃជើងសារបកមកសមាជិកខ្លះវិញ និងក្រុមហ៊ុនចំណេញខ្លះ ។
គេប្រើសមាជិកឲ្យរកអ្នកទិញឲ្យគេបន្តទៀត ។ សួរថាអ្នករកបានមនុស្សពីណា? មានតែមិត្តភ័ក្ដិ បងប្អូន អ្នកស្គាល់គ្នា និងក្រុមគ្រួសារ។
ចុះមនុស្សដែលអ្នកខំរកបាននោះអាចមានលទ្ធភាពរកមនុស្សបានដែរទេ? កាលណាមិនបានគាត់មិនត្រូវចំណាយលុយដែលលើសពីតម្លៃធម្មតានោះចោលទទេៗទៅហើយ ។ បើគិតពីចំនួនលុយវិញ បើមនុស្សម្នាក់ដូចជាមិនច្រើនទេ តែមនុស្សកាន់តែច្រើនវិញវាមិនរឹតតែច្រើនហើយទេ ។
អ្នកដែលជាសមាជិកស្ថិតនៅក្រោមជើងសារក្រោមគេ បង្អស់ ឬអ្នកដែលរកសមាជិកមិនបាន មិនសុទ្ធតែជាអ្នកចំណាយលុយចោលទទេ ៗ ទៅហើយ ។ ព្រោះមនុស្សនៅក្នុងស្រុកមានចំនួនកំណត់ច្បាស់លាស់ ហើយអ្នកដែលអាចមានលទ្ធភាពទិញក៏មានចំនួនកំណត់ដែរ ។ ក្រុមគាត់សុទ្ធតែចាញ់បោកគេ ។
អ្នកទទួលផលមានចំនួនតិចជាងអ្នកត្រូវចាញ់បោកគេ ហើយរឿងអកុសលនោះអ្នកក៏បានចូលរួមបោកប្រាស ឲ្យគេដែរដោយមិនដឹងខ្លួន ដោយគ្រាន់តែទទួលបានប្រាក់លើកទឹកចិត្តបន្តិចបន្ទួចតែប៉ុណ្ណោះ ។

ជួយលើកទឹកចិត្តដល់មិត្តខ្ញុំផង

Sambath — Wed, 20 Jul 2011 03:17:14 +0000

មានការបោះឆ្នោតកញ្ញាឯកនៅក្នុងកម្មវិធី G+ ដែលមានអាសយដ្ឋានhttp://gplus.ikhmer.info នៅក្នុងនោះមានមិត្តខ្ញុំម្នាក់ដែលបានចូលខ្លួនប្រកួតប្រជែងនឹងគេដែរ ។ នាងឈ្នោះ hana ko មានបំណងចង់ឲ្យមានអ្នកបោះឆ្នោត ឬអ្នកគាំទ្រដល់នាងឲ្យបានច្រើន ខ្ញុំមិនដឹងជួយនាងយ៉ាងម៉េចមានតែជួយឲ្យមិត្តភ័ក្តនៅលើ WordPress ជួយដល់នាងតែប៉ុណ្ណោះ ។ បញ្ជាក់អ្នកដែលចូលរួមការគាំទ្របានលុះត្រតែអ្នកមាន gmail តែប៉ុណ្ណោះ ។ ខ្ញុំសង្ឃឹមថាមិត្តភ័ក្តទាំងអស់ចូលរួមលើកទឹកចិត្តដល់នាងផងចុះ ។ ជូនពរអ្នកទាំងអស់គ្នាទទួលបានសំណាងល្អគ្រប់ៗគ្នា

http://sambath.wordpress.com/

ចោរលួចជារ៉ាំមាណា!!!!

Sambath — Mon, 24 Jan 2011 07:43:39 +0000

នៅអំឡុងពេលខែមករានេះខ្ញុំបានទៅផ្សាទឹកថ្លាចំនួនពីរដង តែខ្ញុំសង្កេតឃើញរឿងដែលកើតមានដដែលជាដដែលនោះចោរលួចទូរសព្ទ លួចលុយ និងលួចកាត់ខ្សែក ។ តែតាមខ្ញុំដឹងចោរលួចនៅផ្សាទឹកថ្លានេះដូចជាមិនមែនទើបតែមាននោះទេ ដូចជាធ្លាប់ល្បីតាំងពីដប់ឆ្នាំមុនមកម្ល៉េះ តែនៅតាមផ្សាតែងតែមានប៉ូលិស មានសន្តិសុខផ្សា ចុះពួកគាត់នៅតែបណ្ដែតបណ្ដោយជារៀងរហូតទៅ ឬយ៉ាងម៉េចទេ បានជាឲ្យរឿងមួយនេះកើតមានដដែលជាដដែលមិនចេះឈប់ឈរសោះ ។

របៀបដោះ Black screen ដែលជាប់ Windows Genuine នៅក្នុង Windows XP

Sambath — Thu, 13 Jan 2011 08:55:16 +0000

របៀបដោះ Black screen ដែលជាប់ Windows Genuine នៅក្នុង Windows XP
១.ទៅលុប File Wgatray.exe ពី c:\windows\System32 និង c:\windows\System32\Dllcach
២.វាយRegedit ក្នុង Run
៣.ចុច HKEY_LOCAL_MACHINE\Software\Microsoft\Window NT\Current Version\Current Version\Winlogon\Notify
៤.លុបថត (Folder) ឈ្មោះ Wgalogon ចោល
៥.ចាប់ផ្ដើមម៉ាស៊ីនកុំព្យូទ័រឡើងវិញ (Restart Computer)

យូនីកូដខ្មែរ សម្រាប់ Windows និង Mac

Sambath — Tue, 16 Feb 2010 06:40:09 +0000

ស្ដី អស់លោកលោកស្រី អ្នកនាងកញ្ញាជាទីមេត្រី ថ្មីៗនេះក្រុមខ្មែរអូអេស បានកែសម្រួលពុម្ពអក្សរដែលមានស្រាប់ ឲ្យវាមានដំណើរការជាមួយ កុំព្យូទ័រធម្មតាផង និងជាមួយ Macផង ប៉ុន្តែកំពុងស្ថិតក្នុងដំណាក់កាលសាកល្បង ។ អ្វីដែលខ្ញុំចង់បានពីលោកអ្នកសូមមេត្តាជួយទាញយកពុម្ពអក្សរទាំងនេះទៅធ្វើការសាកល្បង បើមានកង្វះខាតត្រង់ណាសូមជួយកែលំអ និងជួយប្រាប់មកខ្ញុំវិញផង ។ ចំពោះកម្មវិធីក្រាហ្វិកមួយចំនួនក៏អាចដំណើរការបានដែរ (CS3 …) ។
សូមអរគុណដ៏ជ្រាលជ្រៅចំពោះការទាញយក និងជួយស្វែងរកចំណុចខ្វះខាត ដោយប្រកាណាមួយ ។
ចុចដើម្បីទាញយក

ទុក្ខប្ដីស្រីលេងល្បែង

Sambath — Mon, 08 Feb 2010 08:27:10 +0000

ដាក់បញ្ហាមួយគ្រាន់ខាងស្ត្រីគិតលេង ។ តើប្ដីគិតយ៉ាងណាបើជួបប្រពន្ធចេះតែឆ្លៀតលេងល្បែងស៊ីសង (បៀរ អាប៉ោង)ពេលប្ដីមិននៅផ្ទះ ? ។ ស្រីដែលចេះលេងល្បែងម្នាក់ពេលប្ដីមិននៅផ្ទះតែងតែឆ្លៀតទៅលេងល្បែង តែបើប្ដីនៅផ្ទះវិញចេះផ្គាប់ផ្គុនគ្មានទាស់ត្រង់ណា សូម្បីពេលញ៉ាំបាយជាមួយគ្នាស្ទើរតែបញ្ចុកដូចកូនតូច ។ តែប្ដីតែងតែឆ្ងល់ចំណូលក្នុងគ្រួសារចេះតែបាត់គ្មានមូលហេតុសោះសូម្បីទ្រព្យសម្បត្តិនៅក្នុងផ្ទះ តែងតែសួរប្រពន្ធជារឿយៗ តែប្រពន្ធឆ្លើយថាចំណាយក្នុងគ្រួសារ ។ ក្រោយមកប្ដីតែងតែលួចចាំឃ្លាំមើលពេលដែលនៅកន្លែងធ្វើការមិនសូវរវល់ខ្លាំង ។ បន្ទាប់មកបានដឹងថាពេលខ្លួនមិននៅផ្ទះ ប្រពន្ធតែងតែឆ្លៀតឱកាសទៅលែងល្បែងស្ទើរតែរាល់ថ្ងៃ សូម្បីតែបាយកូនក៏មិនមានញ៉ាំត្រឹមត្រូវផង ។ ពេលប្ដីដឹងច្បាស់បាននិយាយគ្នា ដោយសម្រួលចង់ឲ្យប្រពន្ធឈប់លេងល្បែងតទៅទៀត តែប្រពន្ធឆ្លើយថាគាត់លេងតែពេលណាដែលមានរវល់បុណ្យទាន ឫពិធីផ្សេងៗ តែប៉ុណ្ណោះ ។ ដោយប្ដីរករឿងខ្លាំងបានប្រាប់ប្ដីថាខ្លួនឈប់លេងទៀតហើយ ។ តែផ្ទុយស្រឡះ បានប៉ុន្មានថ្ងៃក្រោយមកលួចទៅលេងល្បែងដដែល ។ ពាក្យចាស់ពោលថា” មនុស្សប្រុសលេងល្បែងចាញ់តែទ្រព្យសម្បត្តិ លុយកាក់អស់ពីខ្លួនតែប៉ុណ្ណោះ តែបើមនុស្សស្រីលេងល្បែងវិញចាញ់អស់ដល់កេរ្តិ៍មែ” ។ បន្ទាប់មកប្ដីសម្រេចចិត្តឈប់ឲ្យលុយកាក់តទៅទៀត បន្ទប់ពីនោះមកគ្រួសារមួយនេះលែងមានភាពល្អូកល្អើនហើយមានតែភាពរកាំរកូសគ្នាស្ទើរតែរាល់ថ្ងៃ ។ សូមសួរថាបុរសជាប្ដីត្រូវធ្វើយ៉ាងណា ? ណាប្រពន្ធ ណាកូន !

យូនីកូដខ្មែរមានដង្ហើមនៅក្នុងក្រសួងអប់រំ

Sambath — Tue, 26 Jan 2010 02:26:57 +0000

ក្រសួងអប់រំយុវជន និងកីឡាបានប្រកាសឲ្យប្រើយូនីកូដខ្មែរ ដែលចុះហត្ថលេខាដោយលោក អ៊ឹម សិទ្ធី
CommandFromMoeys

បច្ចេកវិជ្ជាថ្មី LD

Sambath — Wed, 20 Jan 2010 03:51:10 +0000

បច្ចេកវិជ្ជា របស់ Intel បានចេញបច្ចេកទេសថ្មី គឺមានតែ ម៉ូនីទ័រ តែផ្នែកខាងក្រោយនៃម៉ូនីទ័រ មានភ្ជាប់ជាមួយធុងប្រព័ន្ធ ។ ជាកុំព្យូទ័រដែលគ្មានធុងប្រព័ន្ធ មានតែម៉ូនីទ័រ មិនតែប៉ុណ្ណោះមានកម្រាស់ស្ដើងទៀត តាមតិចណូឡូជី LD ។
ក្នុងនោះមាន ៖
CPU 1,6 GB
RAM 1 GB DDR2 MAX 2 GB
HHD 160 GB MAX 250 GB
MODEL Intel GMA950
OS Windows XP or Windows 7 ក្រុមខ្មែរអូអេសកំពុងសាកល្បងជាមួយ OpenSUSE 11,2 ដែរ ។ តែមិនទាន់ចេញលទ្ធផលទេ!!

សង្គមសព្វថ្ងៃ

Sambath — Mon, 18 Jan 2010 09:18:29 +0000

កាលពីថ្ងៃសុក្រទី ១៥ ខែមករា ឆ្នាំ២០១០ ប្រមានជាម៉ោង ៨ និង ២៥ នាទីយប់ មានយុវជនបីនាក់ជិះម៉ូតូមួយមកទិញស្រាបៀកន្លះកេះនៅផ្ទះរបស់ខ្ញុំ ពេលហៀបនឹងឲ្យលុយ ស្រាប់តែមានយុវជនម្នាក់ពាក់មួកស អាវយឺតដៃខ្លី មកកៀកកពីក្រោយហើយវាយយុវជនម្នាក់ដែលឈរជិតម៉ូតូរបស់គេ ។ ខ្ញុំគិតថាជាគ្នារបស់យុវជនបីនាក់មុន មកប្រឡែងគ្នាលេង ស្រាប់តែបន្ទាប់ពីម្នាក់កៀកកលេងវិញស្រាប់តែមានដុំថ្មហោះមកត្រូវយុវជនដែលត្រូវគេវាយបន្ថែមទៀតបែកក្ដោងច្រមុះហូរឈាមរ៉ាវ និងស្របពេលនោះមានមនុស្សប្រាំនាក់ចូលមកឡោមព័ទ្ធវាយយុវជនបីនាក់រត់រប៉ាត់រប៉ាយ ម្នាក់រត់គេចទៅតាមផ្លូវមុខផ្ទះ ម្នាក់ទៀតរត់ចូលក្នុងផ្ទះរបស់ខ្ញុំស្របពេលយុវជនពាក់មួកស បានស្ទុះមកចូលក្នុងផ្ទះតាមវាយម្នាក់ដែលរត់ចូលក្នុងផ្ទះ តែម្នាក់នេះបានរត់ស្រែកឲ្យខ្ញុំជួយ ហើយមកឈរក្រោយខ្នងរបស់ខ្ញុំ ពេលនេះខ្ញុំកំពុងស្ថិតចំកណ្ដាលពួកគេទាំងពីរ ខ្ញុំសម្រេចចិត្តរុញអ្នកតាមវាយគេចេញម្ដងជាពីដង ទើបបានវារត់ចេញ ។ តែអកុសលយុវជនដែលត្រូវមួយដុំថ្មហូឈាមនោះ ត្រូវយុវជនម្នាក់ទៀតយកកំណាត់ឈើជ្រុងដាក់បី បួនថែមទៀត ។ មើលទៅដូចជាឡឺ ៗៗ ចង់ដួល ខ្ញុំបាននាំគ្នាគ្រៀកយកទៅពេទ្យ ។ ក្រុមអ្នកវាយទាំងប្រាំមួយនាក់រត់បាត់អស់ទៅ ។ មិនចប់ប៉ុណ្ណឹងស្រាប់តែ ១៥ នាទីក្រោយមកបក្សពួករបស់អ្នកត្រូវគេវាយមកដល់់ប្រាំនាក់ដោយជិះពីរម៉ូតូ ស្រែកឡូឡារញ៉េរញ៉ៃនៅជិតផ្ទះខ្ញុំ និងបានសួរខ្ញុំថាមានស្គាល់អត់ ខ្ញុំប្រាប់វិញថាអត់ស្គាល់ទេ ហើយខ្ញុំបានប្រាប់ទៀតថាពួកវារត់បាត់អស់ហើយ ។ ក្រុមគេមិនអស់ចិត្តនាំគ្នាជិះម៉ូតូចុះទៅក្រោមខាងក្រោយផ្ទះខ្ញុំដែលជាច្រកក្រុមអ្នកវាយរត់ទៅ និងជាច្រកចូលខាំកូស៊ីធី បន្ទាប់មកមានការវាយគ្នាពេញទាំងភូមិ ឈូឆរចុះឡើងៗធ្វើឲ្យរឹតតែ ច្របូកច្របល់ថែមទៀត ។ ពេលខ្ញុំទៅមើលស្រាប់តែអ្នកវាយនោះ វាយច្រឡំមិនមែនជាក្រុមដែលវាយមុនទេ តែជាមនុស្សកំពុងអង្គុយនិយាយជាមួយអ៊ំស្រីចំណាស់ម្នាក់ ដែលជាបុរសស្លូតជាងគេក្នុងភូមិទៅវិញ មិនតែប៉ុណ្ណោះគាត់បានបាត់ខ្សែកមួយខ្សែទៅទៀត ។ ដោយសារចាស់ៗនៅភូមិខ្ញុំខំនាំគ្នាឃាត់យុវជនក្នុងភូមិមិនឲ្យច្រឡោត និងដេញក្មេងឲ្យចូលផ្ទះ ក្នុងបំណងមិនឲ្យចេញទៅវាយគ្នាដែលកំពុងដេររបួសនៅគ្លីនិក ។ រឿងក៏ស្ងប់ទៅវិញដោយមានចាស់ៗជួយធ្វើអន្តរាគមន៍ ។ ប្រមាណជាម៉ោង ៩ និង៣០នាទីមានប៉ូលីសពីរនាក់មកដល់ ។ ខ្ញុំគិតថាប៉ូលីសមិនដឹងមកធ្វើអីគេបើរឿងវាស្ងប់អស់ទៅហើយ ។ នេះជាឆាកជីវិតមួយរបស់ក្មេងៗក្នុងស្រុកខ្មែរយើងឥឡូវ ។ អ្នកទាំងអស់មានឆ្ងល់ទេថាវាមកពីរឿងអ្វី? បានជាក្មេងឥឡូវទៅជាបែបនេះ ។ ខ្ញុំសង្ស័យគ្រឿងញៀន ពុករលួយ និងភាពមិនទទួលខុសត្រូវរបស់អាជ្ញាធរដែនដី ជាពិសេសបងៗប៉ូលីស តែបើរឿងផាកយកលុយវិញគាត់ឈរមិនឈប់ឈរទេគ្មានម៉ូតូណាគេចរួចទេ … ហាសហាសហាហា

ប៉ូលីសមានខ្លាញ់ម៉ាត់ទៀតហើយ

Sambath — Mon, 11 Jan 2010 09:08:56 +0000

ច្បាប់រដ្ឋសព្វថ្ងៃកំពុងគៀបប្រជាជនយកលុយតាមរយៈការផាកពិន័យយកលុយនៅក្នុងកំឡុងពេលប្រជាជនធ្លាក់ចុះខាងសេដ្ឋកិច្ច ។ ប្រជាជនខ្មែរដែលជិះម៉ូតូ ត្រូវធ្វើអាជ្ញាប័ណ្ណ (ព័រមី) សម្រាប់ម៉ូតូ ។ តើត្រូវចំណាយអស់ប៉ុន្មាន ? បើនិយាយលើតម្លៃមិនមានចំនួនកំណត់ទេ កាលពីមុន $៥ បន្ទាប់ $១០ បន្ទាប់ $២០ ឥឡូវ ពី ២៥ ទៅ $៣០ ។
បើនិយាយរឿងផាកពិន័យវិញប៉ូលីសមិនចេញប័ណ្ណផាកពិន័យឲ្យទេ បើគ្មានកាតគ្រី ។ តែទៅលេងខេត្តតាកែវមានប៉ូលីសមួយក្រុមត្រួតពិនិត្យកាតគ្រីម៉ូតូតែបើគ្មានផាក ៥ ពាន់រៀល ឬ ៦ ពាន់រៀល ហើយគ្មានចេញប័ណ្ណផាកពិន័យឲ្យទៀត ។ ពេលផាកពិន័យជឹះខុសច្បាប់ ថាមានកាតគ្រីបានចេញប័ណ្ណផាកពិន័យឲ្យ ចុះដល់ផាកពិន័យអ្នកគ្មានកាតគ្រីក៏មិនចេញប័ណ្ណផាកពិន័យឲ្យដែរ ។ គិតយូរៗទៅក្រុមបងៗប៉ូលីសរកកិច្ចកលធ្វើយ៉ាងណាបានលុយដាក់ហោប៉ៅផ្ទាល់ខ្លួនតែប៉ុណ្ណោះ ។ ហើយបន្តិចទៀតគេចេញផាកអាជ្ញាប័ណ្ណម៉ូតូទៀត អូបងប៉ូលីសគាត់មានខ្លាញ់ម៉ាត់ទៀតហើយ ។

ខ្មែរជួយខ្មែរ

របៀប​រក​ស៊ី​ បោក​ប្រាស​របស់ក្រុមហ៊ុន​មួយ​ចំនួន

ជួយ​លើកទឹកចិត្តដល់មិត្ត​ខ្ញុំ​ផង

ចោរ​លួច​ជា​រ៉ាំ​មាណា!!!!

របៀប​ដោះ Black screen ដែល​ជាប់ Windows Genuine នៅ​ក្នុង Windows XP

យូនីកូដ​ខ្មែរ សម្រាប់ Windows និង Mac

ទុក្ខ​ប្ដី​ស្រី​លេង​ល្បែង

យូនីកូដ​ខ្មែរ​មាន​ដង្ហើម​នៅ​ក្នុង​ក្រសួង​អប់រំ

បច្ចេកវិជ្ជា​ថ្មី LD